Kókshetaýda 2016 jáne 2017 jyly týǵan úsh bala abaısyzda sýǵa batyp kete jazdady. Qylshaqty ózeniniń jaǵasynda oınap júrgen balalar taban astyndaǵy sábıdiń eńbegindeı bylqyldaǵan muzdyń qalaı oıylyp ketkenin ańǵarmaı qalǵan, dep habarlaıdy Egemen.kz.
Bir jaqsysy, ókpek jolaýshylardyń kózine túsip, aman qalypty. Kórer jaryqtary bar eken. Sýyq sýǵa malshynǵan balalar lezde oblystyq kópbeıindi balalar aýrýhanasyna jetkizilgen.
Qazir tótenshe jaǵdaı departamentiniń qyzmetkerleri úsh balany ajal aýzynan arashalap qalǵan erjúrek azamatty izdestirý ústinde. Erlik eskerýsiz qalmaýy kerek qoı.