Almatylyq «Qaırat» bıylǵy ÝEFA Chempıondar lıgasynyń jalpy kezeńinde óz alańyndaǵy kezdesýlerin elordadaǵy «Astana Arenada» ótkizedi, dep habarlaıdy Egemen.kz.
«Qaırat» fýtbol klýby ÝEFA-men birlesken talqylaýlardan keıin 9 jeltoqsandaǵy «Olımpıakosqa» jáne 20 qańtardaǵy «Brıýggemen» ótetin oıyndardy elordada ótkizý týraly sheshimdi qabyldady. Klýbtyń sheshimine Almatydaǵy Ortalyq stadıon shatyrynyń joqtyǵy, tómen temperatýra men qardyń jıi jaýý qaýpi jankúıerlerge de, stadıon qyzmetine de aıtarlyqtaı qıyndyq týǵyzatyny sebep bolǵan. Jabyq stadıon jaǵdaıynda kórermender men komandalar úshin áldeqaıda qaýipsiz ári jaıly orta qamtamasyz etiledi.
Aldaǵy mańyzdy oıyndarǵa arnalǵan bıletterdiń quny 15 myń men 50 myń teńge aralyǵynda belgilengen. 28 qarashadan bastap bıletter Qairat SuperApp jáne Freedom SuperApp mobıldi qosymshalarynda satylady. Ár jankúıerge eki bıletten artyq rásimdeýge tyıym salynady.
Sonymen qatar Ticketon qyzmeti «Qaırattyń» maýsymdyq abonement ıelerine aldyn ala habarlasyp, basymdyqpen bılet alý tártibi jaıly tolyq nusqaýlyq beredi. Osylaısha, klýb jankúıerlerine barynsha qolaıly jaǵdaı jasap, Chempıondar lıgasynyń asa jaýapty matchtaryna daıyndyqty kúsheıtip jatyr.