Qyzylorda oblysy aýmaǵynda «Mal urysy» jedel-profılaktıkalyq is-sharasy bastaldy. Polısııa qyzmetkerleri jergilikti atqarýshy organdarmen birlesip, oblys kóleminde mal tasymaldaýshy avtokólikterdi, odan bólek mal jáne et satý oryndarynyń zań talaptaryna sáıkestigin tekserip jatyr.
Mal urlyǵynyń aldyn alýǵa baǵyttalǵan is-sharanyń alǵashqy kúninde mal urlyǵynyń 3 deregi ashyldy.
Sonymen qatar maldy zańsyz tasymaldaýdyń 2, belgilenbegen oryndarda jaıýdyń 9 deregi anyqtalyp, ákimshilik hattamalar resimdeldi.
Qazaly aýdanynyń polısııa bólimine aýdan turǵyny habarlasyp, sıyrynyń jaıylymnan joǵalǵandyǵy týraly aryzdanǵan.
Polıseıler júrgizgen jedel shara barysynda kúdikti ustalyp, qazir tergeý áreketteri júrgizilip jatyr.