Qostanaı oblysynda áleýmettik mańyzdy taýarlardyń baǵasyn ósirgen 135 dúken anyqtaldy. Kásipkerler QR ÁQBtK-niń 204-4-babyna engizilgen jańa erejelerge sáıkes aıyppul arqalaıdy, dep habarlaıdy Egemen.kz.
2025 jylǵy 13 naýryzdan bastap QR ÁQBtK-niń 204-4-babyna ózgerister engizildi, oǵan sáıkes áleýmettik mańyzy bar taýarlarǵa shekti ústeme baǵany asyryp qoıǵandarǵa jaýapkershilik kúsheıtildi.
Endi birden aıyppul salynady.
Aıyppul mólsheri kásiptiń sanatyna baılanysty:
Jeke tulǵalar men shaǵyn bıznes – 5 AEK (19 660 tg);
Orta bıznes – 35 AEK (137 620 tg);
Iri bıznes – 150 AEK (589 800 tg).
Zańbuzýshylyq qaıtalanǵan jaǵdaıda aıyppul somasy eki ese nemese odan da kóp mólsherge ulǵaıady.
Qostanaıdaǵy kásipkerlik bólimi málimdegendeı, sharalardy kúsheıtý azamattardyń múddelerin qorǵaýǵa, baǵanyń negizsiz ósýin boldyrmaýǵa jáne tutyný naryǵynyń ashyqtyǵyn arttyrýǵa baǵyttalǵan.