Astanada 16 azamatty jeńildetilgen nesıe alyp beremin dep aldaǵan jergilikti turǵynǵa qatysty úkim shyqty, dep jazady Egemen.kz.
Qala turǵyndaryna ol ózin ulttyq kompanııanyń qyzmetkeri retinde tanystyryp, qyzmetterin 100 myń teńgege baǵalap, jeńildetilgen sharttarmen nesıe alýǵa kómektesýdi usynǵan.
Qalalyq prokýratýranyń baspasóz qyzmeti taratqan málimetterge sáıkes, 1 aı ishinde alaıaqqa azamattar aqsha aýdarǵan, shyǵynnyń jalpy somasy 4 mln teńgeden astam.
«Sot er adamdy kináli dep taýyp, 4 jylǵa bas bostandyǵynan aıyrdy. Keltirilgen materıaldyq shyǵyn óndirildi. Úkim zańdy kúshine endi», delingen habarlamada.