Shymkent agrarlyq kolledjiniń dırektory Kenjehan Tólebaevtyń bastamasymen «Kitaphanaǵa kitap syılaıyq» degen aksııa uıymdastyrylǵan, ol durysy jalǵasyp jatyr. Ýaqytynda Maqtaaraldaı iri aýdannyń ákimi, oblys ákiminiń orynbasary qyzmetterin atqarǵan Kenjehan Atahanuly «kitaptyń – bilim bulaǵy» ekendigin jaqsy biledi.
Aksııaǵa kolledj ujymynan bólek kóp azamattar atsalysýda. Ońtústikte Altynsary Úmbetálıev degen aıtýly azamat bar. Ekonomıka ǵylymdarynyń doktory, professor A.Úmbetálıev búginde oblystyq kiris departamentiniń basshysy. Kolledj ujymymen arnaıy kezdesýge kelgen Altynsary Dúısenbekuly búgingi kúngi ekonomıkalyq saıasat, Elbasynyń tutqa bolýymen memleketimizde atqarylyp jatqan irgeli ister, Qazaqstannyń keleshegi týraly oılarymen bólisti.
Stýdentterdiń qoıǵan saýaldaryna jaýap berdi. Kitaphanaǵa, ujymǵa kerek «Salyq jáne salyq salý», «Agrarlyq sektordyń ekonomıkasy», «Baǵa belgileý», «Nalogooblojenıe v selskom hozıaıstve: teorııa, praktıka, razvıtıe» jáne «Halyqaralyq ekonomıka», «Bank isi» sııaqty qundy kitaptardy syılady.
Kolledj dırektory bilikti azamatqa ýaqytyna qaraı stýdentterge dáris oqyp turýǵa shaqyrdy.
Baqtııar TAIJAN,
«Egemen Qazaqstan».
ShYMKENT.