Buǵan balalar arasynda sýyq tııý jáne tumaý aýrýlarynyń kóbeıip ketýi sebep bolyp otyr. Qazirgi ýaqytta oblysta 14 jasqa deıingi 32,8 myń bala JRVI-ǵa shaldyqqan, dep habarlaıdy Egemen.kz.
О́ńirlik sanıtarlyq-epıdemıologııalyq baqylaý departamentiniń málimetinshe, epıdemıologııalyq maýsym bastalǵaly oblysta 51 myń jedel respıratorlyq vırýstyq ınfeksııa (JRVI) jaǵdaıy tirkelgen. JRVI-ǵa shaldyqqandardyń 60 paıyzy – balalar. Bir aıǵa jýyq ýaqyt ishinde 32 myńnan astam jaǵdaı belgili bolǵan.
Al A tıpindegi tumaýdyń 30 jaǵdaıy tirkelgen. Aýyrǵandar arasynda 14 bala jáne 16 eresek adam bar.
Búginnen bastap oblystaǵy keıbir synyptar qashyqtan oqytý formatyna aýysa bastaǵan.
– Oblys boıynsha qazirgi ýaqytta 150 synyptyń oqýshylary úıden oqyp jatyr. Pavlodar qalasynda qashyqtan oqýǵa 123 synyp aýystyrylsa, Pavlodar aýdanynda – 25, Tereńkól aýdanynda 2 synyp osyndaı formatqa kóshti, – dep habarlady oblystyq bilim berý basqarmasynyń baspasóz qyzmetinen.
Pavlodar oblysy