Kókshetaý áýejaıy respýblıkaishilik jańa áýe joldaryn ashty. Endi qala turǵyndary men qonaqtary «Aqtaý – Kókshetaý – Aqtaý» baǵytymen kún saıyn usha alady.
Sondaı-aq, jumasyna eki ret «Atyraý – Kókshetaý – Atyraý» baǵytymen sapar jasaý múmkindigi týdy. Endi halyqaralyq áýejaı ushaqtary tórt baǵytta qatynaıtyn bolady.
Joǵaryda atalǵan reısterdi «SCAT» Áýekompanııasy» AQ CRJ-200 ushaqtarymen atqaratyn bolady. Áýe saparlarynyń ýaqyty jolaýshylardyń Aqtaý jáne Atyraý áýejaılary arqyly Soltústik Kavkaz, Reseı, Túrkııa jáne basqa elderge ushýyn jalǵastyrýǵa qolaıly.
Kókshetaý áýejaıy 2013 jyly tolyq qaıta qurylyp, áýe kemeleriniń barlyq túrin qabyldaı alady jáne ol I dárejeli halyqaralyq talaptarǵa tolyq jaýap beredi.
Baqbergen AMALBEK,
«Egemen Qazaqstan».
Aqmola oblysy.