Atyraýda bıýdjettiń qarjysyn qymqyryp, qaltasyna basyp alýdy kózdeıtinder az emes. Áıteýir solardyń birqatary qyraǵy kózdi prokýrorlardyń nazaryna ilinip qalypty. Máselen, oblys prokýrory Ǵalymjan Toǵyzbaevtyń málim etýinshe, byltyr memlekettiń ekonomıkalyq múddelerin qorǵaý maqsatynda 7,5 mıllıard teńge zalal óndirilip, bıýdjetke kiristelgen. Igerilmegen jerlerdi memleketke qaıtarý jumystary jalǵastyrylyp, alyp-satý joldaryna shekteý qoıý arqyly jalpy quny 2 mıllıard teńge bolatyn 2500 gektarlyq 86 jer telimi memleket menshigine qaıtarylypty.
Sol sııaqty, memlekettik satyp alý zańdylyǵyn qadaǵalaý boıynsha engizilgen aktiler negizinde 2 konkýrstyń kúshi joıylyp, somasy 2,2 mıllıard teńge zalaldyń aldy alyndy. Sybaılas jemqorlyqqa qarsy júrgizilgen sharalardyń nátıjesinde 29 laýazymdy tulǵa tártiptik, 9 tulǵa qylmystyq jaýapkershilikke tartyldy. Endi ázirge murty maılanyp júrgenderdiń de kúni erteń tuzaqqa túsip, temir torǵa qamalaryna bek senimdimiz.
Joldasbek ShО́PEǴUL,
«Egemen Qazaqstan».
Atyraý oblysy.
Sýret: altaynews.kz.