Dohada (Qatar) ótken UFC Fight Night 265 týrnırinde qazaqstandyq aralas jekpe-jek sheberi Asý Almabaev (22-3) amerıkalyq Aleks Perespen (25-9) oktagonǵa shyǵyp, aıqyn jeńiske jetti, dep habarlaıdy Egemen.kz.
Jeńil salmaqta josparlanǵan úsh raýndtyq jekpe-jek úshinshi raýndta aıaqtaldy. Qazaqstandyq faıter qarsylasyn tartysty ótken kúresten keıin berilýge májbúrledi.
Bul jeńis Almabaevtyń kásibı mansabyndaǵy 23-shi, al UFC-degi jetinshi jekpe-jegi boldy. Promoýshendegi statıstıkasy endi 6-1 kórsetkishine jetti. Aleks Peres kásibı mansabyndaǵy onynshy jeńiliske ushyrap, UFC-degi rekordyn 7-6-ǵa deıin nasharlatty.
Almabaevtyń jeńisi jankúıerlerdiń joǵary baǵasyn alyp, áleýmettik jelilerde qyzý talqylanýda.