Almatyda respýblıkalyq «Qaýipsiz jol» jedel profılaktıkalyq sharasy aıasynda jol qozǵalysy erejelerin turaqty saqtap, jolaýshylardy qaýipsiz tasymaldap júrgen on júrgizýshi marapattaldy, dep habarlaıdy Polisia.kz.
Is-shara barysynda olarǵa tártiptiligi men jaýapkershiligi úshin sertıfıkattar, alǵys hattar jáne estelik syılyqtar tabystaldy.
«Búgin biz kúndelikti tártibimen ózge jol qozǵalysyna qatysýshylarǵa úlgi bolyp júrgen azamattardy atap ótýdemiz. Erejeni saqtaý – jaı formaldylyq emes. Ol, ásirese iri megapolıste, kólik aǵyny jyl saıyn kóbeıip kele jatqan jaǵdaıda, turǵyndar qaýipsizdigine tikeleı yqpal etedi», – dedi Almaty qalalyq Polısııa departamenti Ákimshilik polısııa basqarmasynyń bastyǵy Serik Shumaev.
Marapattaý sharasy qaladaǵy bir kólik kompanııasynyń qoldaýymen ótti.