Qazaqstandyq «Barys» komandasy búgin, ıaǵnı 23 qarashada Qurlyqtyq hokkeı lıgasyndaǵy kezekti oıynyn elordada Reseıdiń «Avangard» (Omby) komandasyna qarsy ótkizedi, dep jazady Egemen.kz.
Kezdesý Qazaqstan ýaqytymen 17:00-de bastalyp, «Qazsport» telearnasynan tikeleı efırde kórsetiledi.
Qazirge deıin komandalar 77 márte sheberlik baıqasty. Onyń 26-sy elordalyq komandanyń basymdyǵymen aıaqtalsa, qalǵanynda reseılik ujym jeńiske jetti.
Keıingi bes kezdesýdiń úsheýinde qazaqstandyq klýb atalǵan qarsylasyna ese jiberdi.
Týrnır kestesinde «Barys» 27 upaımen 17-orynǵa jaıǵassa, «Avangard» 37 upaımen 7-orynda keledi.
Qazaqstandyq klýb budan keıin úsh oıynyn syrt aıdynda ótkizedi. Aldymen 27 qarashada Reseıde «Salavat Iýlaevpen» kezdesse, odan keıin 29 qarashada «Metallýrg» (Magnıtogorsk), 1 jeltoqsanda «Sıbır» (Novosibir) klýbtarymen sheberlik baıqasady.