Mańǵystaý oblysyndaǵy Jańaózen qalasynyń №18 mektebiniń 11 synyp oqýshysy Dáýlet Aıqyn mektep oqýshylary arasyndaǵy toǵyzqumalaqtan II álem chempıonatynda jeńimpaz atandy, dep habarlaıdy Egemen.kz.
Almatyda 18-22 qarasha aralyǵynda ótken jarysqa 21 elden 180 sportshy qatysty. Qyzý básekede Dáýlet Qazaqstan men týǵan óńiriniń namysyn abyroımen qorǵap, 17 jasqa deıingi kategorııada álem chempıony atandy.
Bul – Mańǵystaýdan shyqqan alǵashqy álem chempıony.
Budan bólek, sportshy sport sheberi ataǵyna qajetti normatıvti oryndady.
Jas chempıondy Kúlásh Madreshova men Túgelbaı Qýanyshov jattyqtyrǵan.
Ulttyq oıyndy damytýǵa úles qosqan oqýshynyń jeńisi óńirde úlken qýanyshqa aınaldy.