Búgin bedeldi halyqaralyq óner dodasy óz máresine jetedi, dep habarlaıdy Aqorda.
– Barshańyzdy shyn júrekten quttyqtaımyn! Silk Way Star – mádenı dıplomatııanyń aıqyn kórinisi, ulttarymyzdyń salt-dástúri men shyǵarmashylyǵyn pash etetin tamasha joba. Osyndaı aýqymdy is-sharalar yntymaǵymyzdy kúsheıtedi, ortaq qundylyqtarymyzdy jan-jaqty dáripteıdi, – dedi Memleket basshysy.
Teńdessiz jobany tabysty júzege asyrýǵa mol úles qosqan China Media Group medıakorporasııasyna shynaıy rızashylyǵymdy bildiremin.
– Ázerbaıjan, Armenııa, Grýzııa, Qazaqstan, Qytaı, Qyrǵyzstan, Malaızııa, Mońǵolııa, Tájikstan, Túrikmenstan, О́zbekstan, Ońtústik Koreıa elderinen kelgen daryn ıeleri óte joǵary deńgeıde óner kórsetip, mıllıondaǵan kórermenniń ystyq yqylasyna bólenýde. Barshańyzǵa alǵys aıtamyn. Aldaǵy ýaqytta da bıik belesterdi baǵyndyra beresizder dep senemin! Sizderge amandyq jáne sáttilik tileımin! – dedi Prezıdent.