«Atameken» UKP janyndaǵy Mádenıet jáne kreatıvtik ındýstrııalar jónindegi kishikomıtettiń alańynda zııatkerlik menshikke qatysty qabyldanǵan túzetýlerdiń negizgi tetikteri jarııa etildi. Jıynǵa Senat pen Májilis depýtattary, Ádilet mınıstrliginiń ókilderi jáne Kásipkerler palatasy qatysty, dep jazady Egemen.kz.
Basty jańalyq – ujymdyq quqyqtardy basqarýǵa arnalǵan Biryńǵaı sıfrlyq platforma. Jańa júıe avtorlyq shyǵarmalardyń paıdalanylýyn, kelisimsharttar men syıaqy tólemderin bir ortalyqqa jınaqtap, ashyq ári qolaıly tetik qalyptastyrmaq.
Ádilet vıse-mınıstri Botagóz Jaqselekovanyń aıtýynsha, bul qadam shyǵarmashylyq ıelerine tıesili syıaqynyń ádil jınalýyna jáne ýaqtyly bólinýine jol ashady.
Kezdesýge kreatıvtik ındýstrııa, óńirlik palatalar, teatrlar, fılarmonııalar, avtorlar men kásipkerlerden quralǵan 200-den astam qatysýshy kelip, jańa platformanyń jumys mehanızmin talqylady. Qatysýshylar sıfrlandyrýdyń engizilýi saladaǵy ashyqtyqty kúsheıtip, shyǵarmashylyq ortaǵa senimdilik pen tıimdilik qosa túsetinin atap ótti.