Astanada jeti jol qıylysyndaǵy baǵdarshamdardyń jumys tártibi ózgerdi, dep habarlaıdy Egemen.kz.
Jańa rejım engizilgen baǵdarshamdar:
Kereı, Jánibek handary – Ál-Farabı; Rysqulov – Máńgilik el; Sultan Beıbarys (106-mektep mańy); Qusmuryn – Qaınar (68-mektep mańy); Qaramendi bı Shaqauly – Zemlıanıchnaıa; Táýelsizdik – Qoshqarbaev; Táýelsizdik – Baıtursynuly.Polısııanyń málimetinshe, endi bul qıylystarda qyzyl sıgnal barlyq baǵytqa bir mezette 4 sekýndqa qosylady. Bul kólik júrgizýshilerine manevrdi qaýipsiz aıaqtap, qıylysty bosatýǵa múmkindik beredi.
Avarııalyq jaǵdaılardy taldaý nátıjesinde baǵdarsham jumysynyń túzetilýinen keıin jol-kólik oqıǵalarynyń sany azaıyp, ótkizý qabileti artqany anyqtaldy.
Mysaly, Qaramendi bı Shaqauly men Zemlıanıchnaıa kósheleriniń qıylysynda ózgeristerge deıin 28 jol apaty tirkelgen. Olar negizinen qarsy baǵyttaǵy kóliktermen solǵa burylǵan kezde bolǵan. Alaıda jańa tártip engizilgennen keıin mundaı apattar tirkelmegen.
Bıyl Astanada 1700-den astam jol-kólik oqıǵasy tirkelgen.