OpenAI endi paıdalanýshylarǵa ChatGPT ishinde top bolyp sóılesýge jol ashty. Bul qyzmet dostardyń, áriptesterdiń, tipti otbasynyń ortaq chatta jınalyp, oı bólisýine, jospar qurýyna jáne qujat daıyndaýyna yńǵaı jasaıdy, dep jazady Egemen.kz.
Júıe qarapaıym. Bir topta 20 adamǵa deıin otyrýǵa bolady. Ár adamnyń jeke baptaýlary sol kúıi saqtalyp, ózgelerge kórinbeıdi. Topqa shaqyrý arqyly qosylady. Jańa chat ashqyńyz kelse, «Adamdar» belgisin basasyz nemese silteme jiberesiz. Qatysýshylar óz aty men sýretin qoıyp, shaǵyn profıl jasap alady.
Qyzyǵy, qoldanystaǵy chatqa jańa adam qosylsa, júıe ony bólek áńgimege shyǵarady. Burynǵy chat sol kúıi saqtalady. ChatGPT topta ne bolyp jatqanyn baqylap, aralaspaıdy. Eger naqty jaýap kerek bolsa, qatysýshylar ChatGPT degen belgini qoıady.
«Toptyq chattar ChatGPT júıesin adamdar birigip jumys isteıtin keńistikke aınaldyrýdyń alǵashqy qadamy», dedi OpenAI.