Almatydaǵy «Zenıt» sport ortalyǵynda bıyl ekinshi ret uıymdastyrylǵan toǵyzqumalaqtan mektep oqýshylary (U-15, U-17 – klassıka onlaın/oflaın, rapıd, blıs) arasyndaǵy álem chempıonaty aıaqtaldy. Oǵan 21 elden kelgen 180-ge jýyq sportshy qatysty, dep habarlaıdy Egemen.kz.
Baıraqty básekeniń jabylý saltanatyna Dúnıejúzilik toǵyzqumalaq federasııasynyń prezıdenti Álıhan Báımenov, Qazaqstan toǵyzqumalaq sporty federasııasynyń prezıdenti Ákim Tursyn, Almaty qalasy ákiminiń orynbasary Abzal Núkenov, qalanyń sport basqarmasy, Toǵyzqumalaq sporty federasııasy jáne sheteldik delegasııa ókilderi qatysty.
Is-shara qala ákimdiginiń qoldaýymen ótti. Chempıonatty Týrızm jáne sport mınıstrligi men Dúnıejúzilik Toǵyzqumalaq federasııasy birlese uıymdastyrdy. Bul chempıonat jas býynnyń ıntellektýaldyq áleýetin arttyryp, otandyq sporttyń abyroıyn bıiktetýge zor úles qosty.
Jahandyq jarysta otandastarymyz 12 altyn, 11 kúmis, 7 qola, barlyǵy 30 medal jeńip alyp, jalpykomandalyq esepte top jardy.