Soltústik Qazaqstan oblysynda Polısııa departamenti baspasóz qyzmetiniń ókili Iýrıı Klykovtyń aıtýyna qaraǵanda sońǵy 6 kúnde 1400 ret Jol tártibi buzylǵan. Bul kúnine 233 ret tártip buzylǵan degen sóz dep habarlaıdy Egemen.kz.
Turǵyndarynyń jalpy sany 500 myńnan sál ǵana asatyn oblysta osynsha tártip buzýshynyń bolǵany shekten shyqqan jaǵdaı ekeni kórinip tur.
Iý.Klykov bul derekter alty kúnge sozylǵan «Zań jáne tártip» ustanymyn bekitý maqsatymen «Qaýipsiz jol» respýblıkalyq sharasyn júrgizý barysynda anyqtalǵanyn jetkizdi. Tártip buzýshylar arasynda 18 júrgizýshiniń ishimdik iship alyp mashına júrgizgeni málim bolǵan. Shara barysynda oblys aýmaǵyndaǵy 155 avtopatrýlder men beketterde 672 polısııa qyzmetkeri reıd júrgizgen.
Sonymen qatar reıdte ınternet arqyly apparattyq-baǵdarlamalyq keshendermen, «kıbersherıf» mobıldi kesheni jáne pılotsyz ushý apparattarymen «jasyryn patrýldeý» jasalǵan. Árıne, jol tártibin buzýshylyqtyń negizgi bóligi rólde bara jatyp qaltafonmen sóılesý (124), qaýipsizdik beldigin taqpaý (234), jaıaýlardyń tıisti jerden ótpeýi (180) sııaqtylar.
Esepke engizgende osynyń bári jol tártibin buzý bolyp shyǵa kelgen.
Soltústik Qazaqstan oblysy