Álemniń ár tarapynan talanttardy toǵystyrǵan halyqaralyq mádenı joba «Silk Way Star» baıqaýy máresine jetti. Az ǵana ýaqytta kórermenniń yqylasyna bólengen dúbirli dodada 12 eldiń ónerpazy baq synasty. Nátıjesinde, Mońǵolııa ánshisi Mıshel Djozeftiń juldyzy janyp, jeńiske jetti. Oǵan baıqaýdyń basty júldesin Dımash Qudaıbergen tabystady.
Eske salsaq, «Silk Way Star» jobasy bıyl Qytaı men Qazaqstan arasyndaǵy kelisim negizinde alǵash ret uıymdastyrylyp otyr. О́ner dodasyn kelesi jyly Qytaı tarapy ótkizedi. Bul týraly OKQ alańynda «Jibek joly» telearnasynyń basqarýshy dırektory Erkejan Kúntýǵan málimdedi. Ol aldaǵy ýaqytta jobany jeńimpaz elde ótkizý týraly usynystar tússe, bul bastamany eki tarap ta qoldaýǵa daıyn ekenin aıtty.
«Joba 12 eldiń aıasynda shektelmeıdi. О́ıtkeni kóptegen Azııa memleketi bar. Azııada mádenı turǵyda biriktiretin ortaq alań joq. Máselen, bıyl qatyspaǵan Japonııanyń ózi sonyń bir mysaly. Olardy da qosa alsaq, el sany aıtarlyqtaı artady. Sonymen qatar arab elderi de qyzyǵýshylyq bildirip otyr. Kúni keshe fınalǵa Kýveıttiń elshisi qatysty. Bul bastamasy ǵana, jobanyń deńgeıi aldaǵy jyldary ósedi», dedi Erkejan Kúntýǵan.
Resmı bólim Memleket basshysy Qasym-Jomart Toqaevtyń quttyqtaýymen ashyldy. Ony Memlekettik keńesshi Erlan Qarın oqydy.
Memleket basshysy quttyqtaý sózinde Silk Way Star – Azııa elderi arasyndaǵy rýhanı ózara is-qımyldy damytýǵa jáne halyqtar arasyndaǵy dostyqty nyǵaıtýǵa baǵyttalǵan biregeı bastama ekeni basa aıtyldy.
Aıta keteıik, fınalda Malaızııa, Grýzııa, Qytaı, Armenııa, Mońǵolııa, О́zbekstan, Qazaqstan ókilderi óner kórsetti. Olardyń árqaısysy shyǵarmany ana tilinde oryndap, óz halqynyń salt-dástúri, ártúrli stıli, mádenı kodtary arqyly sahnany saıahat alańyna aınaldyrdy.
Joba jeńimpazy Mıshel Djozef baspasóz jıynynda ózine qoldaý bildirgen barsha kórermenge alǵys aıtyp, tolqýly sátimen bólisti.
«Eń aldymen, maǵan daýys berip, meni qoldaǵan jandarǵa alǵysymdy bildiremin. Ásirese qazaq eline kóp rahmet. Negizi Qazaqstan men Mońǵolııa bir-birine jat emes. Eki eldiń tarıhy men mádenıeti uqsas baýyrlas el dep nyq aıtýǵa bolady», dedi Mıshel Djozef.
Sondaı-aq ol Qazaqstandy jatsynbaıtynyn jáne qazaq tilinde án shyrqaýǵa yqylasty ekenin aıtty. Tipti baıqaýda ózimen qatar óner kórsetken qazaqstandyq qatysýshymen birigip, jańa týyndylardy shyǵarýǵa nıeti bar eken.
«О́ner dodasy Qazaqstanda ótken soń osy elde meniń qoldaýshylarym paıda boldy. Qazaqtyń tili men mádenıeti óte baı. Bolashaqta osy tildi tolyq meńgerip, án shyrqaý oıymda bar», dedi ol.
Eske salsaq, Mıshel Djozef dástúrli urtyn dýýn án maqamyn zamanaýı janrlarmen, sonyń ishinde pop, R&B jáne fankpen úılestire bildi. Ol mońǵol, aǵylshyn tilderinde án shyrqaıdy.
Aıta keteıik, «Silk Way Star» megajobasy ádildigimen este qaldy. Onda ónerpazdardy baǵalaý tásili ashyq, ıaǵnı daýystyń 50 paıyzy qazylar alqasynda, al teń jartysy kórermenge tıesili boldy. Ánshilerdi alys-jaqyn elderden 508 myń adam baǵalady.
«Jibek joly/Silk Way» telearnasynyń basqarýshy dırektory Erkejan Kúntýǵannyń aıtýynsha, atalǵan óner dodasy bes memlekette tikeleı efırde ótken. Joba fınalyn 120 mln kórermen tamashalaǵan.
«Sizder «Jibek joly» telearnasynan qazaq tilinde kórseńizder, bizdiń «Silk Way» telearnasynda alty tilde tarady. «Eýrovıdenıe» sekildi konkýrstyń barlyǵy árbir elde sol eldiń tilinde taratylady. Kommentatorlar qoıylady, solar aýdaryp berip otyrady. Dál osy jumysty bizder jasadyq. «Silk Way Star» arnasynda tikeleı efırimizdiń sıgnalyn qabyldap alyp jatqan syrt elderdiń barlyǵy sınhrondy aýdarma arqyly qyrǵyz, ózbek, aǵylshyn, túrik tilderinde osy jobany kórsetti», dedi telearna basshysy.
Álemniń eń úlken sahnalaryn baǵyndyrǵan Dımash Qudaıbergen shoýdyń daıyndyq deńgeıin joǵary baǵalap, «Silk Way Star» joǵary deńgeıde uıymdastyrylǵanyn, jobanyń aýqymy men kásibıligi erekshe ekenin atap ótti.