Premer-mınıstrdiń birinshi orynbasary Roman Sklıardyń «Shell» konserniniń aǵa vıse-prezıdenti, Qazaqstandaǵy tóraǵasy Sıýzann Kýganmen kezdesýi ótti. Kezdesý barysynda elimizdiń munaı-gaz sektoryndaǵy iri sheteldik ınvestorlardyń biri bolyp sanalatyn kompanııa arasyndaǵy uzaqmerzimdi yntymaqtastyq máseleleri talqylandy.
R.Sklıar «Shell» kompanııasynyń elimizdiń damýyna qosqan úlesiniń mańyzdylyǵyn atap ótip, ózara yntymaqtastyq 30 jyldan astam ýaqytqa sozylǵanyn, munaı-gaz salasyndaǵy birqatar iri jobalardy qamtıtynyn atap ótti. Negizgi jobalardyń qatarynda «Shell» konserniniń Qarashyǵanaq, Qashaǵan sııaqty mańyzdy ken oryndaryn ıgerýge qatysýy bar.
Sıýzann Kýgan óz kezeginde «Shell» kompanııasy qosymsha jańa jobalarǵa ınvestısııa salýǵa múddeli ekenin atap ótti. Elimizdiń munaı-gaz rezervterin keńeıtýge úles qosý úshin osy salada Qazaqstanmen belsendi yntymaqtasýǵa daıyn ekenin jetkizdi.
Birlesken jobalardy odan ári damytý máselelerine erekshe nazar aýdaryldy. Qazaqstan kompanııanyń ozyq tehnologııalaryn tartýǵa jáne birlesken jobalardy ilgeriletýge múddeli.
Kezdesýde eki tarap ózara tıimdi yntymaqtastyqty odan ári keńeıtýge ári birlesken jobalardy tabysty júzege asyrýdy jalǵastyrýǵa senimdi ekenin bildirdi.