23 qarashada UQK Shekara qyzmetiniń qyzmetkerleri Aqtóbe oblysyndaǵy «Jaısań» avtokólik ótkizý pýnktinde zańsyz kóshi-qonǵa baılanysty árekettiń aldyn aldy. Tekserý kezinde júk kóligindegi qurylys materıaldarynyń arasynan 10 sheteldik azamatty anyqtaǵan, dep habarlaıdy Egemen.kz.
Atalǵan derek boıynsha Qylmystyq kodekstiń 24 jáne 394-baptaryna sáıkes sotqa deıingi tergeý jumystary bastaldy. Qylmystyq-prosestik kodekstiń 201-babynyń 1-bóligine saı ózge málimetter jarııa etilmeıdi.
UQK Shekara qyzmeti zańsyz kóshi-qon uıymdastyrý nemese oǵan qatysýdyń qylmystyq jaýapkershilikke ákeletinin eskertip, azamattardy shekaradan zańsyz ótýge baǵyttalǵan kez kelgen áreketten aýlaq bolýǵa shaqyrady.