Úkimet ózin-ózi jumyspen qamtýshylarǵa arnalǵan arnaýly salyq rejımin qoldanýǵa ruqsat etilgen qyzmet túrleriniń jańa tizimin jarııa etti. Qaýly 2026 jyldyń 1 qańtarynan bastap resmı túrde qoldanysqa engiziledi, dep habarlaıdy Egemen.kz
Qujat jańa Salyq kodeksiniń 718-baby 2-tarmaǵynyń 1-tarmaqshasyn iske asyrý maqsatynda ázirlendi.
Qujatqa engizilgen 40 qyzmet baǵytynyń qataryna mal sharýashylyǵyna yqpal etetin qyzmet túri, mýzykalyq aspaptar óndirisi, aǵash ustalyǵy, jelilik marketıng arqyly bólshek saýda júrgizý, baspana arendasy, aýyzsha jáne jazbasha aýdarma, veterınarııalyq qyzmet, tapsyryspen daıyn tamaq jetkizý, poshta jáne kýrer sııaqty kásip túrleri kiredi.