ASTANA. 20 aqpan. Musaıbekov Sáken Júnisbekuly Qazaqstan Mádenıet jáne sport mınıstriniń orynbasary bolyp taǵaıyndaldy. Bul týraly mınıstrliktiń baspasóz qyzmeti habarlady.
Vıse-mınıstr dene shynyqtyrý jáne sport máselelerine basshylyq jasaıdy.
Sáken Musaıbekov 1967 jyly Soltústik Qazaqstan oblysynda týǵan.
1991 jyly V.I.Lenın atyndaǵy Qazaq polıtehnıkalyq ınstıtýtyn taý ınjeneri mamandyǵy boıynsha bitirgen. 1996 jyly Qazaq memlekettik basqarý akademııasynan halyqaralyq ekonomıst mamandyǵyn alyp shyqqan.
Eńbek jolyn 1990 jyly bastaǵan. Kommersııalyq qurylymdarda basshylyq qyzmetter atqarǵan. 1995 jyly Mınıstrler Kabıneti janyndaǵy shet el kapıtalyn paıdalaný jónindegi komıtettiń jetekshi mamany, bas mamany boldy. 1996 jyly Qazaqstan Parlamenti Májilisi tóraǵasynyń kómekshisi, odan keıin Memlekettik kiris mınıstriniń keńesshisi bolyp taǵaıyndaldy. 2000 jyldan Qarjy mınıstrliginiń ákimshilik departamentiniń dırektory, «Qazaqavtojol» kásiporny bas dırektorynyń orynbasary, Oil group NC JShS basshysynyń keńesshisi, Qarjy mınıstrligi apparatynyń basshysy, Kólik jáne kommýnıkasııa vıse-mınıstri, Qazaqstan Premer-mınıstriniń shtattan tys keńesshisi qyzmetterin atqardy.
2008 jyly naýryzda «Qazyna» Qazaqstannyń turaqty damý qory» aksıonerlik qoǵamyna basqarýshy dırektor bolyp, odan keıin «Samuryq–Qazynaǵa» basqarýshy dırektor bolyp taǵaıynaldy. Sońǵy jyldary sporttyq jekpe-jek jáne kúsh qoldanylatyn sport túrleri konfederasııasynyń bas dırektorynyń qyzmetin atqardy.
Mádenıet jáne sport jańa vıse-mınıstri «Qurmet» ordeniniń ıegeri.
Sáken Maılybaı.