Oqıǵa Saryaǵash aýdany, Aqjar aýyly, Máńgilik kóshesinde bolǵan. Tótenshe jaǵdaılar qyzmetiniń habarlaýynsha, oqıǵaǵa jylytý peshiniń aqaýy sebep bolǵan. Saldarynan tútin úı ishine tarap, turǵyndardyń densaýlyǵyna zııan kelgen, dep habarlaıdy Egemen.kz.
Zardap shekken jeti adamdy dárigerler tekserip, jaǵdaılary turaqtalǵannan keıin úılerine jiberilgen. Al, úı ıesi órt qaýipsizdigi erejelerin buzǵany úshin Ákimshilik quqyqbuzýshylyq týraly kodekstiń 410-baby boıynsha jaýapqa tartyldy.
Oblystyq TJD memlekettik órt baqylaý basqarmasy jylytý maýsymynda peshter men tútin qubyrlaryn únemi tekserip otyrý qajettigin eske salady. Aqaý baıqalsa, óz betinshe jóndeýge tyryspaı, mindetti túrde mamandarǵa júginý qajet.