Túrkistan qalasynda jumysqa ornalastyrylǵan azamattardyń jalaqysyn sýbsıdııalaý maqsatynda bólingen bıýdjet qarajatyn zańsyz paıdalaný faktisi boıynsha sot úkimi shyqty, dep habarlaıdy Egemen.kz.
Quzyrly organdardyń tergeýi barysynda «Eńbek mobıldiligi ortalyǵy» jáne birqatar kommersııalyq uıymdardyń burynǵy qyzmetkerleri men basshylary jalǵan jumys oryndaryn jasap, bıýdjet qarjysyn zańsyz ıemdengeni anyqtaldy.
Tergeý málimetteri boıynsha, ortalyq qyzmetkeri kásipkerlerdiń elektrondyq sıfrlyq qoltańbalaryn paıdalanyp, memlekettik baǵdarlamalarǵa ótinimder bergen. О́tinimderde jalǵan laýazymdar kórsetilgen, olar maquldanǵan soń, naqty jumys atqarmaǵan adamdarǵa qatysty qyzmettik buıryqtar rásimdelgen.
Kásipkerler óz tanystary men týystaryn tartý arqyly banktik shot ashýdy usynǵan. Shyn máninde, bul shottar jalǵan jumysshylardyń jalaqysyn aýdarý úshin qoldanylǵan. Aı saıyn jalǵan eńbek ýaqytyn esepke alatyn tabelder toltyrylyp, qarajat shottarǵa túsip otyrǵan. Keıin alynǵan aqshalar qolma-qol aqshaǵa aınaldyrylady jáne shemaǵa qatysýshylar arasynda bólingen.
«Nátıjesinde 78 adam jalǵan eńbekke ornalastyrylǵan. Memleketke keltirilgen zalal 49 mln teńgeden asty. Sottyń úkimimen úsh kinálige 4 jyl 6 aıdan 5 jylǵa deıingi merzimge bas bostandyǵynan aıyrý jazasy taǵaıyndaldy. Eki kásipkerge 4 jyl 6 aı merzimge bas bostandyǵyn shekteý jazasy belgilendi», delingen QMA habarlamasynda.
Úkim áli zańdy kúshine engen joq.