ASTANA. 20 aqpan. Aljırdiń prezıdenti Abdelazız Býteflıka Reseı prezıdenti Vladımır Pýtınge hat joldady. Bul týraly Aljır prezıdentiniń arnaıy ókili Iýsef Iýsfı Reseı syrtqy ister mınıstri Sergeı Lavrovpen kezdesken kezinde aıtty.
TASS tilshisiniń habarlaýynsha, arab memleketiniń elshisi osy hatty jetkizý úshin Máskeýge arnaıy kelgen. «Meni Aljır prezıdenti Abdelazız Býteflıka ózi jazǵan hatty Reseı prezıdenti Vladımır Pýtınge tapsyrýym úshin Máskeýge jiberdi. Bizdiń elderimiz saıası jáne ekonomıkalyq qarym-qatynas turǵysynda joǵary deńgeıde, ol odan ári damyp keledi, men bir jaǵy osyny aýyzsha jetkizý úshin de keldim», - dedi aljırlik elshi.
Sonymen birge, Iýsfı: «Aljır prezıdenti sizderdiń elderińizben kóptegen suraqtar aýqymynda, sonyń ishinde álemniń kómirsýtek rynogyndaǵy jaǵdaı týrasynda keńesýdi qajet dep taýyp otyr», - dep atap ótti.
Lavrov óz kezeginde eki jaqtyń aımaqtyq jáne halyqaralyq aýqymda kún tártibinde turǵan máseleler boıynsha jasalyp kele jatqan yntymaqtastyǵy qanaǵattanarlyq ekenine toqtaldy. «Eki jaqty qarym-qatynas óte joǵary deńgeıde tur. Biz sizdiń kelýińiz arqyly bul múmkindikti jaqyn keleshekte bul máselelerdi eki jaqty turǵyda jáne halyqaralyq deńgeıde qalaı sheshetinimizdi talqylaı alatynymyzǵa qýanyshtymyz», - dep atap ótti Reseı mınıstri.
Murat Aıtqoja.