Atyraý qalasynyń mańyndaǵy tórt aýylda tyshqanǵa qarsy dezınfeksııalaý jumysy bastaldy, dep jazady Egemen.kz.
Qalalyq ákimdiktiń baspasóz qyzmetinen málim etkendeı, Jaıyq ózeniniń eki jaǵalaýynda ornalasqan Talqaırań, Aspa, Almaly jáne Bereke aýylynda dezınfeksııalaý sharasy júrgizilip jatyr. Bul jumysty «WSS» jáne «AG Desinfection Services» JShS-niń mamandary qolǵa aldy.
«Mamandar jerdi shamamen jarty metr tereńdikte qazyp, ý sebedi. Bul ádis zııankesterdiń kóbeıip, aýyldarǵa qaraı jyljýyna jol bermeý úshin qoldanylady. Turǵyndarǵa kemirgishke arnalǵan ý taratylyp, ony durys qoldaný tásili túsindirildi. Preparatty qaı jerge jáne qalaı ornalastyrý tásili kórsetildi. Barlyq jumys qaýipsizdik normalaryna saı atqarylyp jatyr», dep málim etti ákimdiktiń baspasóz qyzmeti.