Eýropanyń fýtbol qaýymdastyqtarynyń odaǵy (ÝEFA) áleýmettik jelilerindegi resmı paraqshalarynda Chempıondar lıgasynyń jalpy kezeńiniń besinshi týrynda qaqpashylar jasaǵan úzdik seıvterdiń beıne toptamasyn usyndy. Úzdikter qatarynda almatylyq «Qaırattyń» qaqpashysy Temirlan Anarbekov bar, dep habarlaıdy Egemen.kz.
Temirlan Anarbekov matchtyń ekinshi jartysynda «Kopengagen» oıynshysy Dzıýnnosýke Sýdzýkıdiń alystan baǵyttaǵan qatty ári dál soqqysyn toıtaryp, qaqpasyn saqtap qaldy. Qaqpashynyń «mysyqsha» sekirip qaıtarǵan doby jankúıerler men sarapshylar arasynda joǵary baǵalandy.
Esterińizge sala keteıik, 27 qarashaǵa qaraǵan túni ótken oıynda Almatylyq «Qaırat» túzde «Kopengagenge» ese jiberdi. Esesine Dastan Sátpaev pen Oljas Baıbek Chempıondar lıgasynyń negizgi kezeńinde gol soqqan alǵashqy qazaq fýtbolshylary atandy.
Aıta keteıik, «Qaırat» – «Pafos» arasyndaǵy oıynda da Anarbekovtiń seıvteri TOP úshtiktiń qatarynan tabylyp edi.
Bes týr qorytyndysy boıynsha «Qaırat» jalpy kezeńniń týrnırlik kestesinde 35-orynda tur.