Almatyda ótken Ortalyq kommýnıkasııalar qyzmetindegi brıfıng barysynda óńir ákimi Marat Sultanǵazıev bilim, sport jáne kreatıvti ındýstrııany damytý baǵytyndaǵy bastamalardy tanystyrdy, dep jazady Egemen.kz.
Nıý-Iork kınoakademııasy fılıaly 200 stýdentke arnalǵan, oqý amerıkalyq baǵdarlamamen 5 baǵytta júrgiziledi, naqty aıtqanda: kınoóndiris, ssenarıı, akterlik sheberlik, oıyn dızaıny, 3D-anımasııa. Qazir akademııada bilim alyp jatqan 60 stýdenttiń arasynda Afrıka jáne Eýropa elderinen kelgender de bar.
Al halyqaralyq deńgeıde sportshylar daıyndaıtyn «Atletıko Madrıd» fýtbol akademııasynda bilim alýǵa elimizdiń túkpir-túkpirinen 113 oqýshy kelgen.
Oblystyń mádenı jáne rýhanı ómirinde erekshe sharalar qatarynda Nurǵısa Tilendıevtiń 100 jyldyǵy tur. Uly tulǵanyń mereıtoıy IýNESKO deńgeıinde atalyp jatyr. Mereıtoı aıasynda TÚRKSOI uıymymen birlesken jobalar júzege asyrylyp, Beıjiń men Máskeýde konsertter uıymdastyrylǵan. Sondaı-aq N.Tilendıevtiń esimi mádenıet úılerine, kóshelerge, oqý oryndaryna berilip jatyr.