Ujymdyq qaýipsizdik týraly shart uıymyndaǵy tóraǵalyq Reseıge ótti. Bul týraly Qyrǵyzstan prezıdenti Sadyr Japarov málimdedi, dep habarlaıdy Egemen.kz.
– Belgilengen tártipke sáıkes, uıymdaǵy kezekti tóraǵalyq Reseı Federasııasyna ótedi, – dedi Japarov UQShU sammıtinde.
Uıymǵa múshe elderdiń basshylary kelesi keńes otyrysyn 2026 jylǵy 11 qarashada Reseıde ótkizý týraly sheshim qabyldady.
UQShU-nyń bas hatshysy Imanǵalı Tasmaǵambetovtiń usynysy boıynsha Syrtqy ister mınıstrleri keńesi, Qorǵanys mınıstrleri keńesi jáne UQShU elderiniń Qaýipsizdik keńesteri hatshylary komıtetiniń birlesken otyrysy qorytyndysy boıynsha ázirlengen qujattar qabyldandy.
Qyrǵyzstan 2025 jyly UQShU-ǵa tóraǵalyq etti.
Uıymnyń quramyna Armenııa, Belarýs, Qazaqstan, Qyrǵyzstan, Reseı jáne Tájikstan elderi kiredi.