Ataýly jyl qorytyndylandy

Saltanatty rásimde sóz alǵan elimizdiń Mádenıet jáne aqparat mınıstri Aıda Balaeva mádenı astana mártebesi óńir úshin qurmet qana emes, sonymen birge túrki áleminiń baı mura­syn keń aýdıtorııaǵa ta­nys­­tyrýǵa múmkindik ber­ge­nin atap ótti.

«Tarıhı qala osy jaýap­kershilikti abyroımen atqaryp, ózine júktelgen mindetti jo­ǵary deńgeıde oryndady dep nyq senimmen aıta alamyz. Jobanyń tabysty júzege asýyna Prezı­dentimizdiń túrki memle­ketteriniń birligin nyǵaı­týǵa, gýmanıtarlyq yn­tymaq­tastyqty damytýǵa baǵyt­talǵan turaqty mádenı saıasaty aıryqsha ról atqardy. El Prezıdentiniń mádenıet, ǵylym men bilim, jastar almasýy salalaryndaǵy naqty bastamalarǵa negiz­del­gen túr­ki ıntegrasııasy jónindegi mańyzdy ustanymy búkil túrki ále­minde keń qoldaý taýyp, joǵary baǵalandy. Aqtaýda júzege asqan TÚRKSOI jobalary Memleket basshysy bastamalarynyń naqty nátıjege aınalyp, baýyrlas halyqtardy burynǵydan da jaqyndastyra túskenin aıqyn kórsetti», dedi mınıstr.

Aıtýly jyl aıasynda Aqtaýda myńdaǵan ǵalym men ónerpazdy, qonaq­tardy biriktirgen 30-dan astam iri halyqaralyq is-shara ótti. Olardyń qataryn­da mýzyka, epos, folklor jáne bı festıvaldary, shy­ǵar­mashylyq sımpozıýmdar men ǵylymı konferensııalar, sondaı-aq balalar men jas­tarǵa arnalǵan túrli baıqaýlar bar.

Sonymen qatar jyl sheń­berinde ótken mańyzdy is-sharalardyń biri – 7 elden kelgen 9 teatr qatysyp, úsh myńnan astam kórermen tamashalaǵan III halyqaralyq teatr festıvali. Sondaı-aq 47 konkýrstyq fılm usynylyp, túrki kıne­matografısteri úshin shyǵar­mashylyq alańǵa aınalǵan «Qorqyt ata» halyq­aralyq kınofestıvali de anshlagpen ótti. «Kóshpendi qýyrshaǵy» atty birinshi halyqaralyq Qýyrshaq teatr­lary fes­tıvali de kórer­men­ge aıryq­sha áser qaldyrdy.

О́z kezeginde saltanatty is-sharanyń arnaıy qonaǵy, Túrki memleketteri uıymy Aqsaqaldar keńesiniń tóraǵasy Bınalı Iyldyrym Mańǵystaý jurtynyń qonaq­jaılyǵy men Aqtaý qala­synyń baı mádenıetine erekshe toqtaldy.

«Qazaqstan – Túrki áleminiń turaqtylyǵyn qamtamasyz etip turǵan tirek elderdiń biri ǵana emes, onyń qýatty ortalyǵy. Túrki memleketteri uıy­myn­­daǵy syndarly róli, ekonomıkalyq ornyq­ty­lyǵy, baı mádenı murasy jáne turaqty damýy – Qazaq­standy Túrki elde­riniń arasynda kóshbasshy deńgeıge kóterip otyr. Qazaqstan Prezıdenti Qasym-Jomart Kemeluly Toqaevtyń kóregendigi men kóshbasshylyǵy óńirlik beıbitshilikti nyǵaıtýǵa, kópvektorly dıplomatııany damytýǵa jáne Túrki áleminiń birligi ıdeıasyn ilgeriletýge orasan úles qosyp keledi. Búgingi saltanatty is-shara – osy birizdi saıasattyń jáne Qazaqstannyń ınklıýzıvtilik dástúriniń jarqyn kórinisi», dedi B.Iyldyrym.

Aqtaýda júzege asyrylǵan jumys halyqaralyq deń­geıde joǵary baǵasyn aldy. TÚRKSOI Bas hatshysy Sultan Raev qala búkil túrki qaýymdastyǵy úshin baýyr­­lastyqtyń jáne jańa múm­kindikterdiń rámizine aınal­­ǵanyn aıtty.

«Búgin biz Kaspııdiń kógildir tolqynyna kóz tas­tap turyp, bir jyldyń tarıhyn, birliktiń shejiresin oı eleginen ótkizip turmyz. Bul jyl – júrekterdi jaqyn­datqan, baýyrlastyqty bıik­tetken qasıetti jyl boldy. Kún astynda kók tý jelbirep, jer betinde baýyrlas jurttyń áýeni shyrqaldy. Jyr men kúı, bı men sóz – bári de ortaq rýhymyzdyń únin jetkizdi», dedi S.Raev.

Saltanatty is-shara gala-konsertpen jalǵasty. Oǵan Ázerbaıjan, Qazaqstan, Qyrǵyzstan, Túrkııa jáne О́zbekstannan 300-den asa ártis qatysyp, kórer­men­der­ge vokaldyq jáne bı qoıylymdaryn usyndy. Konsert baǵdarlamasy túrki elderiniń sahnalyq óneriniń ǵajaıyn san alýandyǵyn kórsetip, merekelik kóńil kúı men shyǵarmashylyq birlik atmosferasyn qalyp­tas­tyrdy. Konsertten keıin Aqtaý qalasynyń ákimi «Túrki áleminiń 2026 jylǵy mádenı astanasy» ataǵyn О́zbekstannyń Ándijan qala­sy­nyń hokımine tapsyrdy.