Jastar ustanymy aıqyn

Keshe «QazMedıa» ortalyǵynda QHA Keńesiniń merziminen buryn prezıdenttik saılaý ótkizý týraly bastamasyna oraı, kezekti brıfıng uıymdastyryldy. Oǵan «Qazaqstan jastary Kongresi» birlestiginiń atqarýshy dırektory Ǵanı Sultanuly, atqarýshy dırektordyń orynbasary Aıdyn Sábıtov, sondaı-aq, birlestiktiń ókilderi Erlan Qystaýbaev pen Álııa Sársekeeva jáne Danııar Medetov qatysty. «Qazaqstan jastary Kongresi» elimizdiń aldyńǵy qatarly jas­tar uıymdarynyń biri retinde QHA-nyń merziminen buryn prezıdenttik saılaý ótkizý týraly bastamasy boıynsha óz ustanymyn bildirýdi mańyzdy dep esepteıdi. Elimizde saıası-áleýmettik turaq­tylyq, etnos­aralyq jáne kon­fessııa­aralyq kelisim saqta­lyp keledi. Elimiz­diń myqty ekonomıkalyq irgeta­sy qalyptasqan. 2014 jylǵy álemdik daǵdarysqa qaramastan, ekonomıkalyq ósim 4 paıyzdy quraıdy. Azamattardyń ál-aýqa­ty kúnnen-kúnge artyp keledi, jańa jumys oryndary ashylýda, óńirlerde de ekonomıkalyq ósim baıqalýda, dep bastady óz sózin Ǵ. Sultanuly. Sondaı-aq, ol álemde kúrdeli jaǵdaı qalyptasyp kele jatqanyna, bul, eń aldymen, dúnıejúzindegi ekonomıkalyq júıeniń turaqsyzdyǵynan týyndap otyrǵanyna, qazirgi tańda jumyssyzdyq deńgeıi kóp elde artqanyna, onyń ishinde jastar arasyndaǵy jumyssyzdyq jıi baıqalatynyna toqtalyp ótti. Memleket basshysynyń bas­tamasymen «Nurly Jol» baǵdar­lamasy iske asyrylyp keledi. Aldyn ala qurylǵan Ulttyq qordyń arqasynda daǵdarys kezinde elimiz eń aldymen, ekono­mıkalyq, áleýmettik salalardy qoldaýǵa múmkindik alatyn bolady. Jańa jumys oryndary qurylyp, joldar salyna bastady. Infraqurylym nysandary boı kóterýde. Búginde merziminen buryn prezıdenttik saılaý ótkizý Qazaqstan qoǵamynda, onyń ishinde jastar arasynda keńinen talqylanýda. Biz bárimiz merzimi­nen buryn saılaý ótkizý týraly bastamany tolyqtaı qoldaı­myz. Dál qazir saılaý ótkizý qoǵamda turaqtylyq pen birlikti saqtaýǵa jaǵdaı jasaıdy. Bul – alǵa qoıǵan mindetterdi tıimdi iske asyrý, turǵyndardyń ál-aýqatyn arttyrý úshin mańyzdy qadam. Bul saılaýdy ótkizý «Qazaqstan-2050» Strategııasynyń basym baǵyt­taryn iske asyrýdy qamtamasyz eter edi. Sondyqtan, «Qazaqstan jas­tary Kongresi» árdaıym ­eli­mizdiń turaqty damýy men órken­deýine baǵyttalǵan basta­ma­lardy, sonyń ishinde jastar­ǵa jaǵdaı jasaýǵa, olardyń ómi­rin jaqsartýǵa baǵyttalǵan bas­tamalardy árqashan qoldaýǵa daıyn ekendigin bildiredi, dedi «Qazaqstan jastary Kongresi» birlestiginiń atqarýshy dırektory. Atqarýshy dırektordyń or­yn­basary Aıdyn Sábıtov te dú­nıe­júzindegi ekonomıkalyq jaǵ­daı terbelmeli kúıde turǵan­dyqtan, sarapshylardyń baǵa­laýynsha, onyń salqyny birneshe jylǵa sozylatynyn tilge tıek etti. «Son­dyqtan, mundaı jaǵdaıda el­degi saıası-ekonomıkalyq tu­raq­tylyq pen qoǵamdaǵy birlikti saqtaý úshin durys saıası baǵdar ustaný aıryqsha ózekti bolar edi, dedi A.Sábıtov. Láıla EDILQYZY, «Egemen Qazaqstan». ASTANA. Sýretti túsirgen Erlan OMAROV.