«Otbasy bank» turǵyn úı qurylys jınaq banki» AQ «Dıplommen – aýylǵa!» baǵdarlamasy aıasynda nesıe berýdi júıeli júzege asyryp keledi. Nesıe mólsherlemesi – 1%. Bastapqy jarna – 0%. Bıyl baǵdarlama alǵashqy bolyp ótinim bergen 200 otandasymyzǵa jańa baspana syılady.
Baǵdarlamaǵa aýyldar men aýdan ortalyqtaryna jumys isteýge kelgen turǵyndar qatysa alady. Nesıe qarajatyn úı satyp alýǵa nemese salýǵa paıdalanýǵa bolady. Nesıeniń eń joǵary somasy – 2 500 aılyq eseptik kórsetkish (AEK) nemese 9 830 000 teńge, merzimi – 15 jylǵa deıin.
Sonymen qatar aýyl turǵyndary kóterme járdemaqy da alady. Bul bıyl 100 AEK nemese 393 200 teńge kólemindegi birjolǵy tólem boldy. Ol úıdi jabdyqtaýǵa, alǵashqy qajetti zattardy satyp alýǵa kómektesedi.
Qarjylandyrýdy memleket júzege asyrady. Baǵdarlamaǵa tehnıkalyq, kásiptik, joǵary nemese joǵary oqý ornynan keıingi bilimi bar, sondaı-aq keminde úsh jyl eńbek ótili bar turǵyndar qatysa alady. Qatysýshylar bilim berý, densaýlyq saqtaý, áleýmettik qamsyzdandyrý, agroónerkásip kesheni, mádenıet, sport, aýyldyq okrýgter ákimderi apparattaryndaǵy memlekettik qyzmet (ákimder men olardyń orynbasarlaryn qospaǵanda) syndy suranysqa ıe salalarda jumys isteýge tıis.
Jyl saıyn jergilikti ákimdikter joǵaryda atalǵan baǵyttar jóninde suranysqa ıe mamandar tizimin jasaıdy. Nesıeler dál osy tizim aıasynda beriledi. Sondyqtan baǵdarlamaǵa qatysqysy keletin azamattar eń aldymen, óz eldi mekeniniń ákimdigine baryp, qaı mamandyqtardyń qajet ekenin naqtylaýy kerek. Eger ákimdik, mysaly, dáriger nemese agronom qajet ekenin rastap, turǵyndy turǵyn úı máselesin sheshýde qoldaýǵa daıyn bolsa, onda mamanǵa baǵyttama beredi. Osydan keıin aýyl turǵyny Baspana Market (otbasybank.kz) portalynda ótinim bere alady.
«Dıplommen – aýylǵa!» baǵdarlamasy Qostanaı oblysynyń turǵyny, úsh balanyń ákesi Valerıı Baryshevke bastapqy jarnasyz óz úıin satyp alýǵa múmkindik berdi. Birneshe jyl buryn ýnıversıtetti támamdaǵan jas mamanǵa qalada óz mamandyǵyna saı jumys tabý, baspana máselesin sheshý qıynǵa soqty. Páteraqy qymbat, bastapqy jarnaǵa qarajat jınaý múmkin emes. Sol sebepti Kalının aýyldyq okrýginiń ákimdigine maman bolyp jumysqa ornalasyp, aýylda óz baǵyn synap kórýdi uıǵarǵan. Sol jerde «Dıplommen – aýylǵa!» baǵdarlamasy týraly bilgen.
– «Dıplommen – aýylǵa!» baǵdarlamasy bolmaǵanda, biz áli de baspanasyz júretin edik. Turǵyn úı máselesin sheshýge arnalǵan múmkindikti barynsha paıdalaný kerek. Qalada jyldar boıy jaldamaly páterde turýǵa bolady, al aýylda osylaı tez arada baspanaly bolyp, balalardy jaıly ortada ósirýge múmkindik bar, – deıdi qýanyshymen bólisken V.Baryshev.
«Dıplommen – aýylǵa!» baǵdarlamasynyń operatory – «Otbasy bank». Bank ótinim qabyldaý men nesıe berý úderisin tolyǵymen onlaın formatqa aýystyrdy. О́ıtkeni kóptegen aýyl bank bólimshelerinen alys ornalasqan. Qashyqtan qyzmet kórsetý azamattardyń ýaqytyn únemdep, memlekettik qoldaýǵa qol jetkizý úderisin edáýir jedeldetti. Sonymen qatar «Otbasy bank» ákimdiktermen derekter almasýdy avtomattandyrdy. Bul kelisý merzimderin qysqartýǵa, qarajat bólý ashyqtyǵyn arttyrýǵa, klıentterge qolaıly jaǵdaı jasaýǵa múmkindik berdi. Baǵdarlama qatysýshylary ótinim mártebesi men habarlamalardy onlaın alady, sondaı-aq nesıeni merziminen buryn onlaın óteı alady. Baǵdarlama óz tıimdiligin dáleldedi. Ol óńirlerde, aýyldyq jerlerde bilikti kadrlardy ustap qalýǵa naqty kómektesip otyr. Keıingi eki jylda osy baǵdarlamanyń arqasynda 7 188 otbasy baspana máselesin sheshti. 2023 jyly 17,7 mlrd teńgege 3 483 nesıe berildi, 2024 jyly 29,6 mlrd teńgege 3 705 nesıe rásimdeldi.