Beıjińniń ǵylymı-tehnıkalyq komıssııasy qalanyń ǵaryshtyq zertteý ınstıtýttary, kásiporyndarymen birlesip, Jerden shamamen 700–800 shaqyrym bıiktikte ǵaryshtyq derekterdi óńdeý ortalyǵyn qurýdy josparlap otyr, dep jazady Egemen.kz.
Ortalyqtyń jumysyna qatysty basqa da máseleler qalalyq ǵylymı-tehnıkalyq komıssııasy men Bolashaq ǵaryshtyq tehnologııalar Beıjiń ınstıtýty ótkizgen jıynda talqylandy. Jıynda ǵaryshtyq derekter ortalyǵyna arnalǵan ınnovasııalyq konsorsıým quryldy. Konsorsıýmǵa Bolashaq ǵaryshtyq tehnologııalar Beıjiń ınstıtýty jáne onyń enshiles kásiporyndary jetekshilik etedi. Oǵan óndiristik tizbektiń 24 uıymy birigip otyr.
Innovasııalyq konsorsıým ǵaryshtyq derekter ortalyǵyn salý, paıdalaný isine basa nazar aýdarady. О́ndiristik ıntegrasııa jáne ekojúıe qalyptastyrý aıasynda konsorsıým ǵaryshtyq derekter ortalyǵyn jasandy ıntellekt (JI), mobıldi baılanys, jańa materıaldar jáne energetıka sııaqty ozyq tehnologııalarmen ushtastyryp, ǵaryshtyq aqparattyq qoldanbalar salasynda bıznes-modelderdiń damýyna yqpal etedi.
Derekter ortalyǵy tájirbıege arnalǵan spýtnık qurastyrady. Ony 2025 jyldyń sońy nemese 2026 jyldyń basynda ushyrý josparlanǵan.
Derekterdi óńdeý ortalyǵynyń qurylysy úsh kezeń boıynsha júrgizilip, 2035 jylǵa qaraı data-ortalyq iske qosylady.