О́nerkásip jáne qurylys mınıstri Ersaıyn Naǵaspaev Úkimet otyrysynda óńdeý ónerkásibin damytý boıynsha júrgizilip jatqan jumystar týraly baıandady. Onyń aıtýynsha, bıyl óńdeý ónerkásibinde oń dınamıka saqtalyp, 10 aıdyń qorytyndysy boıynsha óndiris kólemi 24 trln teńgeden asyp, 5,8%-ǵa ósti, dep habarlaıdy Egemen.kz.
Sondaı-aq óńdeý ónerkásibinde jyl sońyna deıin 1,5 trln teńgege 190 jobany iske qosý josparlanǵan. Búginde 147 joba júzege asqan. Nátıjesinde 18 myńnan astam jumys orny qurylǵan. Olardyń ishinde qytaılyq Chery, Changan, Haval jáne Tank brendteriniń jeńil avtomobılderin, tamaq ónerkásibine, turmystyq tehnıkaǵa arnalǵan alıýmınıı qaptamalaryn, sondaı-aq júndi qaıta óńdeý jáne toqyma materıaldaryn óndirý boıynsha jobalar bar.
«Atalǵan jobalar tolyq óndiristik qýatyna shyqqan kezde óńdeý ónerkásibiniń kólemi jylyna 2,3 trln teńgege ulǵaıady», dep atap ótti Ersaıyn Naǵaspaev.Vedomsvto basshysynyń aıtýynsha, 2022 jyldan beri jeńildikpen nesıeleý arqyly óńdeý ónerkásibindegi 116 joba qarjylandyryldy. Mınıstr memlekettik damý ınstıtýttary jańa óndiristerdi qoldaýda mańyzdy ról atqaratynyn aıtty.
«2022 jyldan bastap jeńildetilgen nesıeleý tetigi arqyly 116 joba qarjylandyryldy. Bul maqsattarǵa bıýdjetten 500 mlrd teńgeden astam qarjy bólindi, al naryqtan qosymsha qarjy tartý jáne aralas qarjylandyrý tetigin qoldaný esebinen jalpy soma 700 mlrd teńgege deıin ulǵaıtyldy», dedi Ersaıyn Naǵaspaev. Nátıjesinde radıatorlar, avtokomponentter, shulyq-shulǵaý buıymdary, lak-boıaý jáne geosıntetıkalyq materıaldar men basqa da taýarlar óndirisi iske qosyldy.