Bıyl jastardy áskerı qyzmetin ótkerýge yntalandyrý maqsatynda 3 000-nan astam memlekettik bilim berý granttary berilgen. Onyń ishinde 2 000-nan astamyn 2024 jyldyń kóktemi men kúzinde áskerge alynyp, 2025 jyly qyzmetin aıaqtaǵan azamattar alǵan, dep habarlaıdy Egemen.kz.
Qorǵanys mınıstrliginiń málimetinshe, granttardy bólýdiń ashyqtyǵyn Sarbaz 2.0 aqparattyq júıesi qamtamasyz etedi. Irikteý nátıjeleri platformada jarııalanady jáne bul qatysýshylarǵa óz derekterin ózderi tekserýge múmkindik beredi.
2025 jyldan bastap memlekettik grant ıegerlerine qosymsha stıpendııa, jataqhana jáne áskerı kafedrada konkýrstan tys oqytý sııaqty jeńildikter beriledi. Bul ofıserlik qyzmetke jol ashady.
Joba 2023 jyly iske qosylǵan. Sodan beri merzimdi qyzmetten ótken azamattarǵa 9 000-nan astam bilim berý granty bólingen.
Grant ıelengen «Kúz-2024» áskerıleriniń tizimi myna siltemede tur.