Almaty – Bishkek baǵytyndaǵy tasjolda qaıǵyly jaǵdaı oryn aldy. Bishkekte ótken qulaǵy estimeıtin sportshylar arasyndaǵy fýtbol týrnırinen kele jatqan jeti qazaqstandyq sportshy jol apatynan kóz jumdy, dep jazady Egemen.kz.
Kólikte bolǵan sportshylardyń barlyǵy zardap shekti.
Ulttyq sýrdlımpııalyq komıtettiń vıse-prezıdenti jáne jol qaýipsizdigi qaýymdastyǵynyń prezıdenti Arsen Shakýov bul derekti rastady.
Qaza tapqandardyń aty-jóni: • Asyl Ibraımov – qulaǵy estimeıtin sportshylar arasyndaǵy fýtbol jattyqtyrýshysy; • Dmıtrıı Mochalskıı – Sýrdlımpııalyq oıyndar men Eýropa chempıonatynyń jeńimpazy; • Sáken Smaǵulov – qulaǵy estimeıtin fýtbol quramasynyń oıynshysy; • Sergeı Volkovınskıı – ulttyq quramanyń ardageri; • Serik Moldashev – qulaǵy estimeıtin fýtbol quramasynyń múshesi.
Polısııanyń habarlaýynsha, apat 129-shy shaqyrymda oryn alǵan. Honda Odyssey markaly mıkroavtobýs HOWO júk kóliginiń tirkemesine soǵylyp, aýyr soqqydan jeti adam oqıǵa ornynda qaıtys boldy.