Almatyda jol qaýipsizdigin arttyrýǵa baǵyttalǵan respýblıkalyq «Qaýipti júrgizýshi» jedel-profılaktıkalyq is-sharasy ótkizilip jatyr, dep jazady Egemen.kz.
Qalalyq polısııa departamentiniń málimetinshe, ótken táýlikte tártip saqshylary masań kúıde kólik basqarǵan 6 júrgizýshini ustaǵan. Odan bólek memlekettik nómirsiz júrgen 12 avtokólikti, sondaı-aq jalǵan nómir qoıylǵan 2 kólikti jáne ózge de birqatar óreskel quqyq buzýdy anyqtaǵan.
— Jol qaýipsizdigi máseleleri jumysymyzdyń basym baǵyttarynyń biri. Patrýldik ekıpajdar kúsheıtilgen tártipte qyzmet atqaryp jatyr. Jol apatyna tikeleı áser etetin óreskel zań buzý boıynsha baqylaý aıtarlyqtaı kúsheıtildi, — dedi ákimshilik polısııa basqarmasy bastyǵynyń orynbasary Tımýr Serikuly.
Polısııa qala turǵyndary men qonaqtaryn jol qozǵalysy erejelerin qatań saqtaýǵa shaqyrdy.