Qyzylorda qalasy KBI shaǵyn aýdany turǵyndary «Bulan» mal bazaryn basqa aýmaqqa kóshirýdi suraıdy. Olar mal bazarynyń veterınarııalyq-sanıtarııalyq normalarǵa saı emestigin jáne jeke turǵyn úılermen japsarlas ornalasqan bazarǵa keletin tórt túlik tıegen júk kólikteriniń tynyshtyqty jıi buzatynyn aıtady, dep habarlaıdy Egemen.kz.
Osyǵan deıin olar mal bazaryn qalanyń shetine kóshirý týraly birneshe márte talap qoıǵan. Osy jaǵdaı boıynsha jumysshy top arnaıy baryp, «Bulan» mal bazarynyń ákimshiligimen kezdesti.
Top ókilderi bazar ıelerine kásip mádenıetin qalyptastyrý qajettigin aıtyp, talaptarǵa sáıkes jumys isteýdi túsindirdi. Al talaptyń saqtalýy tıisti oryndar tarapynan udaıy qadaǵalanyp otyrady.