Almaty áýejaıynda óz-ózin órtegen er azamatqa qatysty qozǵalǵan is toqtatyldy. Polısııanyń málimetinshe, tergeý Qylmystyq kodekstiń 105-baby «О́zin-ózi óltirýge deıin jetkizý nemese soǵan ıtermeleý» boıynsha júrgizilgen, dep habarlaıdy Egemen.kz.
Kóliktegi polısııa departamentiniń habarlaýynsha, er adam aýrýhanadan shyqqannan keıin eshkimge shaǵymy joq ekenin jazbasha túrde málimdegen. Osydan keıin qylmystyq is toqtatylǵan.
Tergeý aıasynda órt qoıýǵa jáne basqa da buzýshylyqtarǵa yqpal etken mán-jaılardy anyqtaý úshin Almaty áýejaıynyń avıasııalyq qaýipsizdik qyzmetine habarlama jiberilgen.
Esterińizge sala keteıik, 25 tamyzda Almaty áýejaıynyń termınalynda 33 jastaǵy er adam kassa mańynda ózin órtep jibergen. Aldyn ala málimetterge sáıkes, onyń áreketine otbasylyq janjal sebep bolǵan.