«Tehol» kompanııalar toby Atyraý qalasyn jańǵyrtýǵa baǵyttalǵan birneshe aýqymdy jobanyń tujyrymdamasyn jýyrda kópshilikke tanystyrady, dep habarlaıdy Egemen.kz.
Jyl sońyna qaraı holdıng basshysy Shota Abhazava buryn jarııalaǵan ıtalıandyq sáýletshiler ázirlegen Atyraý transformasııa jobasynyń tujyrymdamasyn usynady.
Petro_Council arnasynyń habarlaýynsha, Atyraýda júzege asyrylýy múmkin birqatar iri nysannyń aldyn ala jobalary belgili. Olardyń qatarynda:
Burynǵy «Aq-Jaıyq» qonaqúıiniń ornyna salynatyn kópfýnksıonaldy keshen; Samal shaǵyn aýdanynda boı kóteretin iri saýyqtyrý-emdeý ortalyǵy; Áýejaı mańynda Formula-1 jarystaryn ótkizýge arnalǵan kásibı avtodrom jáne oǵan irgeles ınfraqurylym bar.Aldyn ala aqparat boıynsha, bul jobalardyń resmı tanystyrylymy jeltoqsan aıynyń ekinshi jartysynda ótedi.