Fılosofııa, saıasattaný jáne dintaný ınstıtýtynyń ujymy kórnekti qoǵam qaıratkeri, álemdik deńgeıdegi ǵalym, fılosofııa ǵylymdarynyń doktory, professor, Qazaqstan Respýblıkasy Ulttyq ǵylym akademııasynyń akademıgi Jabaıhan Múbárákuly Ábdildınniń ómirden ozýyna baılanysty marqumnyń otbasy men týǵan-týystaryna orny tolmas qaıǵysyna ortaqtasyp kóńil aıtady.
Jabaıhan Múbárákuly – qazaq ǵylymynyń damýyna ólsheýsiz úles qosqan, otandyq fılosofııa mektebiniń jańa baǵyttaryn qalyptastyrǵan, ǵylymı oıdyń bıik deńgeıin aıqyndaǵan asa kórnekti tulǵa. Onyń basshylyǵymen júzege asqan irgeli eńbekter, sonyń ishinde «Dıalektıkalyq logıka» sııaqty kóptomdyq zertteýler elimizdiń ǵylymy tarıhynda óshpes mura bolyp qaldy.
Ol uzaq jyldar boıy bizdiń ınstıtýtqa basshylyq etip, qazaqstandyq fılosofııanyń órkendeýine jol ashty, jas ǵalymdardy tárbıeleýge jáne jańa ǵylymı ıdeıalardyń qalyptasýyna zor úles qosty. Marqumnyń tereń parasaty, ustazdyq bolmysy, ǵylymǵa degen adaldyǵy men qaısar eńbegi barsha áriptesterine úlgi boldy.
Jabaıhan Múbárákulynyń ǵalym ǵana emes, memleket jáne qoǵam qaıratkeri retinde atqarǵan eren eńbegi árdaıym qurmetpen eske alynady. Onyń sanaly ǵumyryn arnap, sońynda qaldyrǵan mol rýhanı-ǵylymı murasy keler urpaqqa qyzmet ete bermek. Osyndaı asyl azamattyń qazasy – onyń otbasynyń ǵana emes, búkil ǵylymı qoǵamdastyqtyń ortaq qaıǵysy.
Marqumnyń jany jánnatta, jatqan jeri jaıly bolsyn. Otbasy men jaqyndaryna sabyr, tózim jáne kúsh-qýat tileımiz.
Fılosofııa, saıasattaný jáne dintaný ınstıtýtynyń ujymy