2015 jylǵy 30 qańtar, Astana qalasy
Týrıstik qyzmetter kórsetý qaǵıdalaryn bekitý týraly
«Qazaqstan Respýblıkasyndaǵy týrıstik qyzmet týraly» 2001 jylǵy 13 maýsymdaǵy Qazaqstan Respýblıkasy Zańynyń 11-baby 20-4) tarmaqshasyna sáıkes buıyramyn:
1. Qosa berilip otyrǵan týrıstik qyzmetter kórsetý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Týrızm ındýstrııasy departamenti:
1) osy buıryqty Qazaqstan Respýblıkasy Ádilet mınıstrliginde zańnamamen belgilengen tártipte memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmelerin merzimdi baspa basylymdarynda jáne «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesine resmı jarııalaýǵa jiberýdi;
3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Investısııalar jáne damý birinshi vıse-mınıstri J.M. Qasymbekke júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń
Investısııalar jáne damý mınıstri Á.ISEKEShEV .
«KELISILDI»
Qazaqstan Respýblıkasynyń Densaýlyq saqtaý jáne
áleýmettik damý mınıstri T.DÚISENOVA.
2015 jylǵy 12 aqpan
«KELISILDI»
Qazaqstan Respýblıkasynyń Syrtqy ister mınıstri
_________________ E.YDYRYSOV.
2015 jylǵy «__» ______________
«KELISILDI»
Qazaqstan Respýblıkasynyń Ulttyq ekonomıka mınıstri
_________________ E. DOSAEV.
2015 jylǵy 9 aqpan
«KELISILDI»
Qazaqstan Respýblıkasynyń Ishki ister mınıstri
_________________ Q. Qasymov
2015 jylǵy 20 aqpan
Qazaqstan Respýblıkasy Investısııalar jáne damý mınıstriniń
2015 jylǵy 30 qańtardaǵy № 80 buıryǵymen bekitilgen
Týrıstik qyzmetter kórsetý qaǵıdalary
1. Jalpy erejeler
1. Osy Týrıstik qyzmet kórsetý qaǵıdalary (budan ári - Qaǵıdalar) «Qazaqstan Respýblıkasyndaǵy týrıstik qyzmet týraly» 2001 jylǵy 13 maýsymdaǵy Qazaqstan Respýblıkasynyń Zańyna sáıkes ázirlendi jáne týrıstik qajettilikterin qanaǵattandyrýǵa qajetti, onyń saıahaty kezeńinde jáne osy saıahatqa baılanysty usynylatyn týrıstik qyzmetter kórsetý tártibin reglamentteıdi.
2. Osy Qaǵıdada kelesi túsinik qoldanylady:
Transfert - týrıstik qyzmetti júzege asyratyn tulǵalar jáne (nemese) jekelegen týrıstik qyzmetter kórsetetin úshinshi tulǵalar týrısti áýejaıda, temir jol vokzalynda nemese týrıst kórsetken mekenjaıda jeke qarsy alý, ony demalys ornyna jáne (nemese) týrısti ornalastyrý ornyna jetkizý.
3. Týrıstik qyzmetter kórsetý gıdpen (gıd-aýdarmashymen) jáne ekskýrsovodpen jasalatyn sharttardy qospaǵanda, Qazaqstan Respýblıkasynyń zańnamasyna sáıkes týrıstik qyzmet kórsetýge arnalǵan shart negizinde júzege asyrylady.
4. Týrıst týrıstik qyzmetti júzege asyrýshy tulǵaǵa ózi jáne tulǵalar týraly tolyq aqparatty týrıstik qyzmet kórsetýge arnalǵan shart jasasý paıdasyna, osyndaı shart boıynsha mindettemeni oryndaý úshin qajetti kólemde usynady.
5. Eger kórsetilgen ózgerister tótenshe jaǵdaılarǵa baılanysty bolsa, týrıstik saıahattaý marshrýttaryn týrıstiń kelisiminsiz ózgertýge bolady.
2. Týrıstik qyzmetter kórsetý tártibi
6. Týrıstik qyzmetti júzege asyratyn tulǵalar týrıstik qyzmet kórsetýge arnalǵan jazbasha nysanda jasalǵan sharttyń negizinde týrıstik qyzmetti kórsetedi.
«Ruqsattar jáne habarlamalar týraly» 2014 jylǵy 16 mamyrdaǵy Qazaqstan Respýblıkasynyń Zańyna sáıkes:
1) týrıstik operator lısenzııa negizinde qyzmetti júzege asyrady;
2) týrıstik agenttik qyzmet, gıdter (gıdter-aýdarmashylar) qyzmeti, ekskýrsovodtar men týrızm nusqaýshylarynyń qyzmeti habarlamalar tártibinde júzege asyrylady.
7. Týrıstik operator jáne týrıstik agent týrıstik operatordyń, týrıstik agenttiń azamattyq-quqyqtyq jaýapkershiligin mindetti saqtandyrýdyń sharty jaramdy bolǵan kezde qyzmetti júzege asyrady.
8. Týrıstik ónimde Qazaqstan Respýblıkasynyń sheginde ýaqytsha bolatyn jerde (elde) týrıstik resýrstarmen tanysý jónindegi ekskýrsııaly-aqparattyq, uıymdastyrýshylyq qyzmetter bolǵan jaǵdaıda týrıstik operator týrıstik ekskýrsovodta, gıdte (gıd-aýdarmashyda) jáne týrızm nusqaýshysynda mindetti túrde Qazaqstan Respýblıkasynyń azamattyǵy bolýy týraly «Qazaqstan Respýblıkasyndaǵy týrıstik qyzmet týraly» 2001 jylǵy 13 maýsymdaǵy Qazaqstan Respýblıkasy Zańynyń talaptarynyń saqtalýyn qamtamasyz etedi.
9. Týrısti tasymaldaý boıynsha qyzmet kórsetý týrıstik qyzmet kórsetýge arnalǵan sharttyń negizinde júzege asyrylady. Týrıstik qyzmet kórsetýge arnalǵan shartta rettelmegen tasymaldaý máseleleri kólik salasyndaǵy tıisti zańnamamen, sondaı-aq Qazaqstan Respýblıkasy qatysýshysy bolyp tabylatyn halyqaralyq sharttarmen retteledi.
10. Qazaqstan Respýblıkasynyń sheginde týrıstiń ómiri men densaýlyǵy úshin asa qaýip týǵyzatyn marshrýttarmen (taýly jáne ótýge qıyn jerler, speleologıkalyq jáne sý obektileri, týrızmniń ekstremaldyq jáne basqa túrlerimen aınalysý) ótken jaǵdaıda týrıstik qyzmetti júzege asyratyn tulǵalar týrısti qajetti kerek -jaraqtarmen qamtamasyz etedi.
11. Týrıstik operator týrıstik agent úshin onyń ózi qalyptastyrǵan týrıstik ónimdi ótkizý boıynsha oqý trenıngin ótkizedi.
12. Týrıstik qyzmetti júzege asyratyn tulǵalar múgedekter men halyqtyń qaýqary az toptarǵa týrıstik qyzmetti jáne týrıstik ónimdi qalyptastyrý kezinde qarastyrady:
1) tehnıkalyq kómekshi (kompensatorlyq) quraldardy paıdalana otyryp kedergisiz qozǵalý múmkindigin qarastyrady;
2) týrıstik ındýstrııa obektilerinde jeke dybystyq maıaktardyń bolýyn qarastyratyn aýdıovızýaldyq aqparattyq júıeniń júıeli dybystyq habarlamalar nemese týrıstik ındýstrııa obektisi aýmaǵynda jáne barlyq alańynda radıofıkasııanyń, sondaı-aq arnaıy aqparattyq tablolardyń bolýy;
3) týrıstik saıahattar men ekskýrsııalar marshrýttarynda yńǵaıly baǵdarlaýdyń bolýy (arnaıy aqparattyq jáne baǵdarlaý qurylǵylary);
Múgedekter men halyqtyń qaýqary az toptar úshin vızýaldyq jáne dybystyq aqparat týrıstiń baǵdaryna jaqsy qabyldaýdy jáne qaýipti kózderdiń múmkindigi týraly ony eskertýdi qamtamasyz etýi tıis.
13. múgedekter men halyqtyń qaýqary az toptarǵa týrıstik jáne ekskýrsııalyq qyzmetterdi kórsetý arnaıy daıyndalǵan personalmen birge júrgiziledi.
14. Týrıstik qyzmetti júzege asyratyn tulǵalar týrıstke kórsetiletin týrıstik qyzmetter týraly tolyq jáne durys aqparatty usynady.
15. Týrıstik ónimniń tutynýshylyq qasıetteri týraly aqparat mynalardy qamtıdy:
1) saıahattyń bastalý jáne aıaqtalý kúni, ýaqyty;
2) týrısterdi ornalastyrý oryndary (turý tártibi, ornalastyrý ornynyń quralynyń ataýy, sanaty, nómirdiń tıpi) týraly aqparat;
3) tamaqtaný (týrıstik marshrýt boıynsha týrıstiń qozǵalý ýaqytynda jáne týrısti ornalastyrý ornyndaǵy tamaqtaný tártibi);
4) týrısti tasymaldaý jónindegi qyzmetter – transferttik qyzmetti qosa alǵanda, saıahattyń barlyq kezeńinde kóliktiń túri, tıpi jáne sanaty, tasymaldaýshynyń jáne (nemese) tasymaldaýshylardyń ataýy;
5) týrıstik ónimniń quny jáne ony tóleý tártibi;
6) ekskýrsovodtyń, gıdtiń (gıd-aýdarmashynyń) jáne týrızm nusqaýshysynyń bolýy;
7) qosymsha qyzmetter;
8) saıahat jasaý kezinde olar kezdesýi múmkin qaýipteri, saıahattaýdyń erekshelikteri týraly, sondaı-aq qaýipsizdik sharalary týraly málimet;
9) osy shart boıynsha mindettemeni oryndaý úshin qajetti kólemde týrıstik ónimge kiretin jekelegen týrıstik qyzmetter kórsetetin úshinshi tulǵalar týraly málimet.
16. Týrıstik qyzmetti júzege asyratyn tulǵalar týrıstke ýaqytsha bolatyn elde (jerde) ornalasqan, týrıst ýaqytsha bolatyn elde (jerde) tótenshe jaǵdaı týyndaǵan jaǵdaıda nemese basqa da jaıttarǵa, onyń ómirine, densaýlyǵyna qaýip tóndiretin jáne onyń múligine zııan keltirgen (zııan keltirý múmkindigi) jaǵdaıda Qazaqstan Respýblıkasynyń shet elderdegi mekemeleri, ózge de memlekettik, sondaı-aq týrıstik ókildiktererdiń ornalasqan jeri, pochtalyq mekenjaıy jáne baılanys aqparaty týraly aqparat usynady.
17. Týrıstik qyzmetti júzege asyratyn tulǵalar saıahat kezinde týrıstiń tótenshe jaǵdaıǵa ushyraǵany týraly bilgen nemese bilýge tıis sátten bastap shet elderdegi mekemelerge, oblystardyń jergilikti atqarýshy organdaryna, respýblıkalyq mańyzy bar qalalarǵa, astanaǵa týrıstik qyzmet salasyndaǵy ýákiletti organǵa jáne azamattyq qorǵaý salasyndaǵy ýákiletti organǵa, sondaı-aq týrıstiń otbasyna dereý habarlaıdy.
Buıryq Qazaqstan Respýblıkasynyń Ádilet mınıstrliginde 2015 jylǵy 31 naýryzda Normatıvtik quqyqtyq kesimderdi memlekettik tirkeýdiń tizilimine №10590 bolyp engizildi.