Baspanaly bolýdyń bir joly

Qazirdiń ózinde toǵyz oblystyń ákimdikteri banke 1 550 páter tap­syr­dy. Nátıjesinde, jaqyn ýaqyt­ta Jambyl, Shyǵys Qazaqstan, Aqmo­la, Aqtóbe, Je­tisý, Ulytaý, Qara­ǵandy, Abaı, Qyzyl­orda oblysta­rynda turǵyn úıge kezekte turǵan adamdar qonys toıyn toılaıdy.

Jaldamaly turǵyn úıdi bólý kezin­de esepke alynǵan kúni, sanattyń basym­dyǵy, otbasynyń tabys deńgeıi eskeri­ledi. Eger otba­synda úsh, odan kóp adam bolsa, bir adamǵa shaqqandaǵy tabys 92 456 teńgeden (2 AEK) aspaýǵa tıis. Eger otbasynda eki nemese odan az adam bolsa, árbir múshesine shaqqandaǵy tabys 161 798 teńgeden (3,5 AEK) aspaýy kerek.

Barlyq kezekte turǵan azamattar týraly málimetterdi «Otbasy bank» memlekettik derekter qorynan alady. Bul azamattarǵa óte yńǵaıly – endi anyq­tama jınap, kóshirmelerin jasap, bólim­shege barýdyń nemese portalǵa júk­teý­diń qajeti joq. Alaıda bank derek­terdi jedel tekserip, turǵyn úıdi ádil bóle alýy úshin azamattar jeke derek­terdi jınaýǵa, óńdeýge kelisim berýge tıis. Kelisimdi orken.otbasybank.kz por­talyndaǵy jeke kabınet arqyly rásim­deý qajet. Sonymen qatar azamattar ózderiniń mobıldi azamattar baza­syn­daǵy telefon nómirin jańartýy kerek.

Eger turǵyn úı kezeginde turǵan azamat jeke derekterin jınaýǵa, óńdeýge kelisim bermese, mobıldi nómirin jańartpasa, jaldamaly turǵyn úı ala almaıdy nemese 2%, 5% jeńildik mólsherlemesimen turǵyn úı satyp alý múmkindiginen aıyrylady. Mundaı jaǵdaıda oǵan tıesili turǵyn úı kezekte turǵan basqa azamatqa beriledi. Qazirde ákimdikterdiń Kezekte.kz bazasynan «Otbasy bankke» ótken 642 281 kezekte turǵan azamattyń ishinde bar bolǵany 84 338 adam ǵana jeke derekterin óńdeýge kelisim bergen. Bul nebári 13%.

Osynyń saldarynan avto­mattandy­rylǵan júıe turǵyn úıge muqtaj azamattar týraly de­rekterdi tolyq teksere almaı otyr, turǵyn úıdi bólý úderisi baıaý júrip jatyr. Jaqynda óńirlerdiń birinde ótkizilgen qanatqaqty joba bul jaǵdaıdy aıqyn tanytty. Ákimdik 261 páter usynǵan bolatyn. 215 páter turǵyn úı kezeginde turǵan azamattarǵa bólindi. Alaıda olardyń arasynan bar bolǵany 19 adam ǵana orken.otbasybank.kz platformasynda jeke derekterdi jınaýǵa, óńdeýge kelisim bergen. Qazirde bul azamattar jaldaý shartyn jasasyp ja­tyr. Qalǵan 196 azamatqa qatysty bank olar­dyń kelisimin kútip otyr. Bos páter­ler kelesi kezeńde bólinetin bolady.

Turǵyn úıdi bólý úderisin jedeldetý maqsatynda «Otbasy bank» buryn Kezekte.kz bazasynda tirkelgen azamattardy orken.otbasybank.kz portalyn­da jeke derekterdi jınaýǵa, óńdeý­ge keli­sim berýge, sondaı-aq mobıl­di aza­­mattar bazasyndaǵy tele­fon nó­­mi­rin jańartýǵa shaqyra­dy. Bul shara­lar turǵyn úı keze­giniń jyl­­jýyn tezde­tip, myńda­ǵan otan­­dasymyzdyń qo­­nys to­ıyn ja­qyndatýǵa múmkindik beredi.