3 jeltoqanda Májilis depýtattary sıfrlyq ortadaǵy qatynastardy retteıtin jáne jeke derekterdi qorǵaýdy kúsheıtetin Sıfrlyq kodeks jobasyn ekinshi oqylymda qabyldady. Zań jobasynda sıfrlyq ortada jeke tulǵanyń, memlekettiń qaýipsizdigin arttyrý tetikteri qamtylǵan, dep habarlaıdy Egemen.kz.
Endi el azamattary memlekettik júıelerden ózderi týraly aqparatty joıýǵa nemese anonımdilikti talap etýge quqyly. Sondaı-aq olar onyń qoldanylýyn baqylaýda ustaı alady.
Qujatta azamattar men qoǵamdyq múddelerdiń teńgerimin saqtaý jaǵy da qarastyrylǵan. Elektrondyq qujattar túpnusqamen teńestirilip, aqparatty qorǵaý júıeleri kúsheıtilgen.
Budan bólek zańǵa smart-kelisimsharttar uǵymy engizildi. Ol kádimgi sharttardy almastyrmasa da, tek sonyń oryndalýyn avtomattandyrý úshin qoldanylady.
Parlament Májilisiniń tóraǵasy Erlan Qoshanovtyń aıtýynsha, Qazaqstan sıfrly memleketke aınalý bastamasyna úlken bir qadam jasady.
Qujat Senattyń qaraýyna joldandy.