Domodedovo áýejaıyna shuǵyl qonǵan «Red Wings» áýe kompanııasy jolaýshylarynyń aıtýynsha, ushaq áýege kóterilmeı turyp-aq salonda kerosınniń ótkir ıisi sezilgen, dep habarlaıdy Egemen.kz SHOT telegram arnasyna silteme jasap.
Qazirgi ýaqytta ushaqty mamandar tekserip, oqıǵanyń sebepteri anyqtalyp jatyr. Zardap shekkender týraly aqparat joq.
Jolaýshylardyń aıtýynsha, ushaq ushý aılaǵynda jyldamdyqty kúsheıtken sátte salonda janarmaıdyń óte ótkir ıisi paıda bolǵan. Shamamen jarty saǵattan keıin komandır borttaǵy tehnıkalyq aqaýǵa baılanysty áýejaıǵa qaıta oralǵan. Áýe kemesi qaýipsiz qoný úshin shamamen bir saǵat boıy Máskeý qalasynyń ústinde aınalyp ushyp, qosymsha janarmaıdy qosýǵa májbúr bolǵan. Qoný kezinde, kýágerlerdiń sózinshe, áýe kemesi qatty shaıqalǵan. Keıbir jolaýshylar qozǵaltqyshta órt tutanǵanyn kórgenin aıtty, alaıda salonda dúrbeleń bolmaǵan.
«Kerosınniń ıisi óte qatty boldy. Ushqannan keıin uıyqtap qalyppyn. Keıin komandır bortta tehnıkalyq aqaý bar ekenin habarlady», dedi reıs jolaýshylarynyń biri.
Jolaýshylarǵa rezervtik reıs ushyp shyqqanǵa deıin qonaqúılerge ornalastyrý uıymdastyrylǵan.