Elimizde 16 jasqa deıingi balalarǵa áleýmettik jelilerdi qoldanýǵa tyıym salý týraly zań jobasy qoǵamdyq talqylaýǵa shyǵaryldy. Zań jobasy «Ashyq NQA» portalynda jarııalandy, dep habarlaıdy Egemen.kz.
«Onlaın-platformalar jáne buqaralyq aqparat quraldary máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» zań jobasy 4 jeltoqsanda «Ashyq NQA» portalynda ornalastyryldy.
Qujattyń 10 bap 1-tarmaǵynda balalardy densaýlyǵyna jáne damýyna zııan keltirýi múmkin aqparattan qorǵaý máselesi qamtylǵan. Onda 16 jasqa deıingi balalardyń onlaın-platformalarda tirkelýine tyıym salý kózdelgen. Tek jedel habar almasý servısterine tirkelýge qatysty erekshelik qarastyrylǵan.
Túsindirme jazbada zań jobasyn ázirleýdiń maqsaty – onlaın-platformalardaǵy zańǵa qaıshy kontent kólemin azaıtý, sondaı-aq onlaın-platformalar men mass-medıanyń damýyna baılanysty zańnamany ózektendirý úshin qajetti quqyqtyq negiz qalyptastyrý.
Zań jobasy boıynsha qoǵamdyq talqylaý 29 jeltoqsanǵa deıin jalǵasady.