Túrkistan qalasyndaǵy arnaıy ekonomıkalyq aımaqta «ER-QAN GROUP» JShS-nyń oramdaǵy polıetılen paketteri men jelim (plastık) ydystaryn shyǵaratyn zaýyt paıdalanýǵa berildi, dep habarlaıdy Egemen.kz.
Zaýyttyń jobalyq quny – 4 mlrd teńge. Atalǵan joba aıasynda 30-dan asa jańa jumys orny ashyldy. Kásiporyn ishki naryqty sapaly otandyq ónimmen tolyqtyryp qana qoımaı, eksporttyq áleýetti arttyrýǵa da jol ashady.
«Mundaı jobalar bizdiń oblystyń ekonomıkalyq jaǵdaıyn jaqsarta túsedi. Árbir jańa joba – ekonomıkalyq ósimge úles qosatyn mańyzdy bastama. Biz ınvestorlar men kásipkerlerge árdaıym qoldaý kórsetýge daıynbyz», dedi kásiporynnyń ashylýyna qatysqan oblys ákimi Nuralhan Kósherov.
Aıta keteıik, oblysta 2025-2028 jyldar aralyǵynda júzege asyrylatyn 111 ınvestjobalar pýly qalyptasqan. Jobalar tolyq iske asqan jaǵdaıda 23 915 jańa jumys ornyn ashý kózdelip otyr.