Izraıl Lıvannyń ońtústik bóligin nysanaǵa alyp, soqqy jasady. Ázirge qaza tapqandar týraly aqparat joq. Izraıl tarapy bul áreketti «Hezbolla» qozǵalysyna qarsy qaýiptiń aldyn alý dep túsindirdi, dep habarlaıdy Egemen.kz.
Izraıldiń Qorǵanys armııasy (SAHAL) taratqan málimdemede soqqy jasalǵan nysandar «Hezbolla» uıymyna tıesili ári eldiń qaýipsizdigine tikeleı qaýip tóndirgeni aıtyldy. Alaıda shabýyldyń bir bóligi turǵyn úıler ornalasqan aýdandarǵa da baǵyttalǵany habarlandy.
Aımaqtaǵy jaǵdaı eki el ókilderi arasyndaǵy tarıhı kezdesýden keıin ýshyqty. Jıynda taraptar alǵash ret ekonomıkalyq jáne azamattyq máselelerdi talqylaǵanymen, ortaq kelisimge kele almaǵan. Beırýttaǵy kezdesýden keıin lıvandyq tarap Palestına memleketi qurylmaıynsha qarym-qatynasty tolyq qalypqa keltirý múmkin emestigin málimdedi. Al, Tel-Avıv bul kezdesýdi «beıbit kelisimge qol jetkizý múmkindigi» retinde baǵalaǵan edi.Izraıldik BAQ-tyń dereginshe, el bıligi shekara mańynda ahýaldyń odan ári kúrdelenýine daıyndalyp jatyr.
Aıta keteıik, Izraıl men Lıvan 1948 jyldan beri resmı túrde soǵys jaǵdaıynda qalyp otyr jáne dıplomatııalyq qatynastar ornatpaǵan.